„Anastasija- Alexeija von Dolinskaja“ werdi eigentlich gnännt, aber das wüsset

nur die wenigschte, drum rüft mer mir nur „nasti“ oder „nasteli“ wenn i söt cho.

Ich – in inseiderchreis „tierli“ gnännt – bin am 21.juni 1998 zäme mit 3 andere

chline racker uf d’wält cho. Mit em mami und viele nette lüt hani agfange

d’umgäbig usicher mache. Woni 12 woche alt bi gsi, hani es neus dahei öbercho und i ha viel müesse lehre. Mini spöteri jugendzit isch garned luschtig gsi. Viel

schlechti sache hani erläbt. Seelisch völlig am endi und mit einige schlechte agwonnete bini entlich vo do wider furt cho. I ha wider lüt gse woni als chline

„wurm“ au scho känne glehrt han. Au mis jetzige herrli hani do gfunde, wo

mich mit viel liebi und zueneigig wider ufpäppelet hät. Ich glaube nöd zletscht

dank mim guete charakter und dem gute herrli hani die schlechte sache fascht alli

wieder vergässe und verstande mich bestens mit ihm.

öbe 3 monet spöter isch mir so viel besser gange. Wenn mis mandli got go

schaffe oder guzzeli chaufe, an flohmärt got oder uf en rennplatz, immer derf ich mitcho. Das gfallt mir natürlich!! Wenn er am obig mir vom häsli verzelt oder

zu mir seit „ich chan go’s häsi fange“ denn bini so ganz ufgregt und chan so fast nümme warte, bis er am morge losfahrt. Wenn mir denn uf de rennplatz chömmed,

muess mis herrli no diverse chram erledige und ich luege wo’s häsli isch oder tuen

mini kolege begrüesse( 2+4 beinigi). Ich weiss nöd wie viel mol das i scho go

häsli jage bin. Gemäss mim mandli söll ich a 4 renne und a 31 coursing teil gno ha

und die restliche mol bini eifach as träning gange. aber das isch mer eigentlich egal. Er seit au: ich sig am erste EM-coursing 5.vo 19 gsi, am erste SM-coursing sigi sogar zoberst ufem podescht gstande und au viele andere mol heigi derfe zoberst oder fascht zoberst ufs treppli sto. Hani natürlich mit freud gmacht!

Jetzt tueni halt e chli chürzer trette und es isch mer au glich wenni im auto lige

chan, alli 4 bei it höchi strecke und d’sonnestrale gnüsse. I bi zwor no recht gut

zwäg und kann sicher no einigi mol uf de rennplatz cho. Jetzt aber hani gnueg verzelt über mich und säge allne mine kollege:

tschau zäme, bis zum nöchste mol!!

Euches tierli und mis herrli de Urs

Die Barsois von Dolinskaja vertrauen auf die veterinärmedizinsche Betreuung durch:
Tierklinik Leimental, CH-4105 Biel-Benken BL, Telefon: 0041 61 7221010, www.tierklinik-leimental.ch

Stand: 08. Februar 2010